Очлик хавфи кучаймоқда: 2030 йилда 520 млн киши оч қолиши мумкин
Яқин Шарқдаги можаронинг озиқ-овқат нархлари, энергия ва ўғитлар бозорига хавф солмоқда.
Яқин Шарқдаги можаро глобал озиқ-овқат хавфсизлигига салбий таъсир кўрсатиши мумкин. FАО прогнозига кўра, инқирознинг давомийлиги ва унинг озиқ-овқат инфляциясига таъсиридан келиб чиқиб, 2030 йилда дунё бўйича 510–520 млн киши очликка дуч келиши мумкин.
FАОнинг 2026 йилги “Дунёда озиқ-овқат хавфсизлиги ва овқатланиш ҳолати” ҳисоботида қайд этилишича, можаро юзага келишидан олдинги прогнозларда 2030 йилда очликка дуч келувчилар сони 503 млн киши атрофида бўлиши кутилган.
Ташкилотнинг таъкидлашича, Яқин Шарқдаги можаро энергия ва ўғитлар нархининг ошиши орқали бошқа мамлакатлардаги озиқ-овқат тизимларига ҳам таъсир кўрсатиши мумкин. Ғалла етиштириш ва бошқа қишлоқ хўжалиги маҳсулотлари учун зарур бўлган ресурслар қимматлашиши озиқ-овқат нархларига босимни кучайтириши эҳтимоли бор.
FАО ушбу прогнозларда вазиятни янада мураккаблаштириши мумкин бўлган айрим омиллар, жумладан, экстремал об-ҳаво ҳодисалари ва кучли Эл-Нинё таъсири тўлиқ ҳисобга олинмаганини қайд этган. Шу сабабли келгусидаги кўрсаткичлар бундан ҳам юқори бўлиши мумкин.
Шу билан бирга, FАО маълумотларига кўра, 2025 йилда дунёда 645 млн киши очликка дуч келган. Бу кўрсаткич 2024 йилга нисбатан қарийб 14 млн кишига, 2022 йилга нисбатан эса 43 млн кишига кам.
Ташкилот глобал очлик камайганига қарамай, бу жараён ҳали ҳам суст ва турли инқирозларга жуда таъсирчан эканини таъкидламоқда.
