Самарқандда солиқ қарзи сабаб “Volkswagen” олиб қўйилди
Энди қарздор белгиланган муддатда солиқни тўламаса, машина аукционга чиқарилади.
Мажбурий ижро бюроси Булунғур тумани бўлими томонидан фуқаронинг солиқ қарздорлигини ундиришга қаратилган ижро ҳаракатлари амалга оширилди.
Ижро ҳаракатлари давомида қарздор фуқарога тегишли “Volkswagen” русумли автотранспорт воситаси аниқланиб, белгиланган тартибда хатловга олинди.
Қайд этиш жоизки, қарздорлик белгиланган муддатда ихтиёрий равишда қопланмаган тақдирда, хатланган мол-мулк қонунчиликда белгиланган тартибда реализация қилиниши мумкин.
Бунда мол-мулкни сотишдан тушган маблағлар қарздорликни қоплашга йўналтирилади.
Мажбурий ижро бюроси органлари томонидан солиқ қарздорликларини ундириш ва ижро ҳужжатлари ижросини таъминлаш борасида мажбурий ижро чоралари изчил давом эттирилмоқда.
