“Бу учрашув кўп нарсани ўзгартириши мумкин” — Зеленский
Украина президенти Доналд Трамп билан Нью-Йоркда учрашади.
Украина президенти Владимир Зеленский ва АҚШ президенти Доналд Трамп телефон орқали суҳбатлашиб, Нью-Йоркда учрашишга келишиб олди. Бу ҳақда Зеленский Украина президенти расмий сайтида маълум қилди.
Зеленскийнинг таъкидлашича, суҳбат давомида кўплаб масалалар муҳокама қилинган. У учрашув “кўп нарсани ўзгартириши мумкин”лигини қайд этган.
Украина президенти, шунингдек, Трампнинг махсус вакиллари Стив Уиткофф ва Жаред Кушнернинг Киевга ташрифи учун АҚШ президентига миннатдорлик билдирган. Унинг қайд этишича, томонлар тинчликка эришиш йўлидаги дипломатик саъй-ҳаракатларни давом эттирмоқда.
Зеленский музокаралар доирасида деэскалация бўйича қадамлар ҳамда энергетика ва озиқ-овқат хавфсизлиги, шунингдек, инсонлар ҳаётини ҳимоя қилиш билан боғлиқ масалалар бўйича таклифлар борлигини айтган.
Украина раҳбари АҚШ томони билан ҳамкорлик давом этаётганини ва жиддий қадамлар ташлашга тайёрлигини билдирган.
Учрашув Нью-Йоркда БМТ Бош Ассамблеяси доирасида ўтказилиши режалаштирилган.
