Бекободда кредит қарзи сабаб кўчмас мулк сотилди
Ижро ҳужжатига кўра, МЧЖнинг банкдан 9 млрд қарзи бўлган.
Фуқаролик ишлари бўйича Бекобод туманлараро судининг ижро варақасига асосан қарздор МЧЖдан ундирувчи банк фойдасига кредит қарздорлик ундириш ва ундирувни гаров мулки хисобланган нотурар жой биносида жойлашган 1-комплект “Пахтани қайта ишлаш ускунаси” 44-дона қисмдан иборат ускуналарга қаратиш ва унинг бошланғич баҳолаш нархи ижро варақасига асосан 1 867 230 609.60 (бир миллиард саккиз юз олтмиш етти миллион икки юз ўттиз минг олти юз тўққиз сўм олтмиш тийин) сўмга баҳоланган бўлиб электрон онлайн-аукцион орқали сотувга чиқарилди.
Олиб борилган ижро ҳаракатлари даъвомида, қарздор томонидан ижро ҳужжати талаби бажарилмаганлиги сабабли, кредит қарздорликни ундириш мақсадида ижро варақасида кўрсатилган қарздорга тегишли бўлган гаров мулки хатланиб, қарздорликни тўламаган тақдирда ундирув ушбу гаров мулкига қаратилиши тўғрисида огоҳлантирилган.
Шунга қарамасдан, қарздор томонидан кредит қарздорлик тўланмаганлиги сабабли, Бюронинг Тошкент вилояти бошқармаси Алоҳида муҳим ижро ишларини ижро этиш шўъбаси инспекторининг қарорига асосан ушбу гаров мулки электрон онлайн-аукцион орқали сотувга чиқарилди.
