Фарғонада МИБ орқали фермердан 99 млн ундирилди
Маълум бўлишича, фермер хўжалигининг 25 та ижро ҳужжати бўйича солиқ қарзи мавжуд бўлган.
Мажбурий ижро бюроси Қувасой шаҳар бўлими томонидан солиқ қарздорлигини ундириш юзасидан ижро ҳаракатлари изчил давом эттирилмоқда.
Хусусан, “А.Ч” фермер хўжалигига нисбатан 25 та ижро ҳужжати бўйича юзага келган қарздорликни ундириш мақсадида белгиланган тартибда ижро ҳаракатлари олиб борилди.
Натижада фермер хўжалигидан 90 млн сўм — солиқ қарзи, 5 млн сўм — ижро йиғими, 4,4 млн сўм — қўшимча жарима ундирилиб, жами 99,4 млн сўм маблағ давлат бюджети ҳамда ундирувчилар фойдасига йўналтирилди.
Қарздорликни ўз вақтида бартараф этиш — нафақат қонун талабига риоя қилиш, балки тадбиркорлик фаолиятини барқарор ва қонуний давом эттиришнинг муҳим шартидир.
