Самимий мурожаат: Муҳаммедалига Президент мактуб ва совға
Қорақалпоғистонга ташриф давомида Муҳаммедали исмли боланинг Президентга самимий мурожаати ва Ватанга бўлган меҳри акс этган видео ижтимоий тармоқларда кенг тарқалган эди.
Президентнинг Қорақалпоғистонга ташрифи чоғида ижтимоий тармоқларда Муҳаммедали исмли боланинг самимий мурожаати ва Ватанга бўлган меҳри акс этган видео кўпчиликнинг эътиборини тортган эди.
Президент ушбу мурожаатни кўриб, боланинг самимий тилакларидан мамнун бўлганини билдирди ҳамда унга миннатдорлик мактубини йўллади.
Мактубда Муҳаммедалига самимий тилаклар билдирилган. Жумладан, Президент болакайга: “Сиз ҳам катта бўлганингизда,бизнинг тарихимизга муносиб, халқимизга фойдали инсон бўлишингизни истайман”, дея тилак билдирган.
Президентнинг мактуби ва совғалари Қорақалпоғистон Республикаси Жўқорғи Кенгесида тантанали равишда топширилди. Тадбирда Жўқорғи Кенгес Раиси Аманбай Ўринбаев Президентнинг мактубини ўқиб эшиттирди.
Шунингдек, Муҳаммедалига алоҳида Президент совғаси, унинг ота-онаси ҳамда тарбияланаётган мактабгача таълим ташкилотига ҳам совғалар топширилган.
Бундан ташқари, болакайнинг тарбиячиси Гулбаҳар Сапаровага Жўқорғи Кенгес Президиуми қарори билан “Ватан фидойиси” кўкрак нишони берилди.
