Янгиҳаётда қурилаётган масжидда ёнғин: қутқарувчилар етиб борди
Ҳодиса оқибатида жабрланганлар йўқ.
Бугун, 3 октябрь куни соат 11:36 да Тошкент шаҳри Янгиҳаёт тумани Сергели 4-даҳасида янги қурилаётган масжид биносининг гумбаз қисми тутаётгани ҳақида хабар келиб тушган.
Хабарга кўра, қутқарув экипажлари зудлик билан воқеа жойига етиб борган. Вазият Тошкент шаҳар Фавқулодда вазиятлар бошқармаси томонидан тўлиқ назоратга олинган.
Маълум қилинишича, масжид биносининг гумбаз қисмида пенополиуретан ёниб, зарарланган. Ёнғин соат 12:04 да ўчирилган.
Ҳодиса оқибатида тан жароҳати олганлар қайд этилмаган.
