Жиззахда қидирувдаги машиналарга рейд бошланди
Тадбир МИБ ва ЙҲХБ ҳамкорлигида ўтказилмоқда.
Мажбурий ижро бюросининг Жиззах вилояти бошқармаси Қидирув шўъбаси томонидан Йўл ҳаракати хавфсизлиги бошқармаси ходимлари билан ҳамкорликда «АВТОКОН» тадбири ўтказилди.
Тадбир давомида ижро ҳужжатлари бўйича қидирувга берилган автотранспорт воситаларини аниқлашга алоҳида эътибор қаратилди.
Олиб борилган қидирув тадбирлари натижасида бир қатор қидирувдаги автотранспорт воситалари аниқланиб, белгиланган тартибда вақтинча сақлаш учун жарима майдончасига жойлаштирилди.
Мазкур тадбирлар ижро ҳужжатларининг ижросини таъминлаш, қарздорликларни қонун доирасида ундириш ҳамда қидирувдаги мол-мулкларни аниқлашга қаратилган.
Мажбурий ижро бюроси томонидан қидирувдаги автотранспорт воситаларини аниқлаш ва ижро ҳужжатлари ижросини таъминлаш борасида ҳуқуқни муҳофаза қилувчи органлар билан ҳамкорликдаги ишлар давом эттирилмоқда.
