“Ҳаммасини беришади ёки йўқ бўлиб кетишади” — Трамп
АҚШ президенти Эрон Америка талабларини қабул қилмаса, мамлакат йўқ қилиниши мумкинлигини айтди.
Дональд Трамп Эрон можарони ҳал қилиш бўйича Америка шартларини қабул қилмаса, мамлакат йўқ қилиниши мумкинлиги билан таҳдид қилди. Унинг айтишича, Эрон билан боғлиқ вазият тез орада ҳал бўлади.
Трамп бу ҳақда Нью-Йорк штатининг Сиракуз шаҳрида тарафдорлари олдида нутқ сўзлаганида маълум қилди.
“У ёки бу йўл билан: ё улар бизга ҳамма нарсани беришади, ёки йўқ бўлиб кетишади. Улар буни билишади”, — деган АҚШ президенти.
Аввалроқ Трамп АҚШ ва Эрон ўртасидаги можаро яқин орада ҳал этилишини билдирган эди. У, шунингдек, Эроннинг ядро қуролига эга бўлиш хавфи бартараф этилганини таъкидлаган.
7 октябрь куни АҚШ вице-президенти Жеймс Девид Венс Эрон ҳарбий ҳаракатларни тўхтатиш учун уранни бойитиш имкониятларини камайтириши кераклигини айтган. Унинг қайд этишича, Вашингтон Теҳрон билан музокаралар олиб бормоқда, бироқ мулоқот натижасиз якунланиши ҳам мумкин.
9 октябрь куни Россия президенти Владимир Путин ва Дональд Трамп телефон орқали Эрон атрофидаги вазиятни муҳокама қилган. Путин дипломатик имкониятлар ҳали тугамаганини, Теҳрон билан келишувга эришиш мумкин ва зарурлигини билдирган.
Бундан олдин Пентагон Эронга кенг кўламли бомбардимон уюштиришга тайёргарлик кўриш бўйича топшириқ бергани ҳақида хабарлар тарқалган.
