Тошкентда иссиқ сув 5 кунга ўчирилади: манзиллар маълум қилинди
Бунга қозонхоналарда режали профилактика ишлари олиб борилиши сабаб бўлади.
Тошкент шаҳрининг Чилонзор ва Учтепа туманларида 12 октябрдан бошлаб 5 кун давомида иссиқ сув таъминоти вақтинча тўхтатилади. Бу ҳақда Veolia Energy Tashkent маълум қилди.
Қайд этилишича, узилиш IМ-5 қозонхоналари таъминот ҳудудларида режали профилактика ишлари олиб борилиши муносабати билан юзага келади.
Иссиқ сув таъминоти вақтинча тўхтатиладиган аниқ манзиллар ва ишлар графиги билан ушбу ҳавола орқали танишиш мумкин.
Компания маълумотига кўра, профилактика ишлари куз-қиш мавсумида иссиқлик тармоқлари ва ускуналарининг барқарор ишлашини таъминлашга қаратилган.
