9 та вилоятда сел хавфи бор: фуқаролардан эҳтиёткорлик сўралди

 

13–14 октябрь кунлари ёғиши кутилаётган ёмғирлар сабабли Ўзбекистоннинг 9 та вилоятида сел-сув тошқинлари хавфи мавжуд. Бу ҳақда Ўзгидромет маълум қилди.

 

Жумладан, Қашқадарё вилоятининг Яккабоғ, Деҳқонобод, Чироқчи, Китоб, Шаҳрисабз, Қамаши ва Ғузор туманларида; Сурхондарё вилоятининг Сариосиё, Узун, Олтинсой, Денов, Бойсун, Шеробод, Шўрчи, Қумқўрғон ва Музработ туманларида сел хавфи мавжуд.

 

Самарқанд вилоятининг Ургут, Самарқанд, Булунғур, Нуробод, Қўшработ, Каттақўрғон, Пайариқ, Жомбой ва Иштихон туманлари; Навоий вилоятининг Хатирчи, Навбаҳор, Нурота, Конимех ва Кармана туманлари ҳам хавф мавжуд ҳудудлар қаторида қайд этилган.

 

Шунингдек, Жиззах вилоятининг Зомин, Бахмал, Ғаллаорол, Шароф Рашидов, Фориш ва Янгиобод туманлари; Тошкент вилоятининг Оҳангарон, Бўстонлиқ, Паркент, Пискент, Ўртачирчиқ ва Юқоричирчиқ туманлари, Ангрен ва Олмалиқ шаҳарларида ҳам сел-сув тошқинлари юзага келиши мумкин.

 

Наманган вилоятининг Поп, Косонсой, Чортоқ, Чуст, Наманган ва Янгиқўрғон туманлари; Фарғона вилоятининг Сўх, Шоҳимардон, Фарғона ва Бешариқ туманлари; Андижон вилоятининг Андижон, Асака, Жалақудуқ, Қўрғонтепа, Пахтаобод, Избоскан, Хўжаобод ва Марҳамат туманлари ҳамда Хонобод шаҳрида ҳам хавф мавжуд.

 

Бундан ташқари, республиканинг айрим ҳудудларида ёмғир сувлари тўпланиб, ҳудудларни сув босишига олиб келиши эҳтимоли бор.

 

Фуқаролардан, айниқса, тоғолди ва тоғли ҳудудларда яшовчилар, дам олувчилар ҳамда ушбу ҳудудларда ҳаракатланаётган ҳайдовчилардан эҳтиёт чораларини кўриш сўралди.