Сирдарёда қарздор машиналарга қарши рейд ўтказилмоқда

Сирдарёда қарздорликларни бартараф қилиш мақсадида вилоят Мажбурий ижро бюроси ҳамда ИИБ ЙҲХБ масъуллари ҳамкорлигида қарздорларнинг автотранспорт воситаларини қидириш бўйича рейд тадбирлари амалга оширилмоқда.

 

Рейдлар вилоят маркази Гулистон шаҳрида ҳамда туманларининг марказий кўчаларида ташкил этилган бўлиб, уларда махсус ишчи гуруҳлар фаолият юритмоқда.

 

2026 йил мобайнида ўтказилган мазкур рейд тадбирлари давомида қарздорларга тегишли 416 та автотранспорт воситалари жарима майдонларига жойлаштирилган, натижада 1,2 млрд. сўм қарздорлик ундирилиб, 2 030 та ижро ҳужжатлари ижроси таъминланган.

 

Бундан кўзланган мақсад - қарздорларнинг жавобгарликдан қочишига йўл қўймаслик, уларнинг мулки ҳисобидан қарздорликларни ундириш ва қонун устуворлигини таъминлашдир.