Жиззахда алимент тўламай юрган ота қидирувда топилди

Мажбурий ижро бюросининг Жиззах шаҳар бўлими иш юритувида бўлган алимент ундиришга оид ижро ҳужжати бўйича қарздор И.А. белгиланган тартибда қидирувга берилган эди.

 

Қарздорни аниқлаш мақсадида олиб борилган қидирув тадбирлари давомида Мажбурий ижро бюроси ҳамда Ички ишлар органлари ходимларининг ҳамкорлигида И.А.нинг турган жойи аниқланиб, топилди.

 

Амалга оширилган чора-тадбирлар натижасида қарздорнинг давлат ижрочиси ҳузурига келиши таъминланди. Айни вақтда унинг алимент мажбуриятларини бажариши юзасидан қонунчиликда белгиланган тартибда зарур ижро ҳаракатлари амалга оширилмоқда.

 

Фарзанд таъминоти учун белгиланган алимент мажбуриятини ўз вақтида бажариш ҳар бир ота-онанинг қонуний бурчи ҳисобланади.