Жиззахда солиқ қарзи сабаб 3 та трактор хатланди
Айни вақтда мазкур тракторларни баҳолатиш чоралари кўрилмоқда
Мажбурий ижро бюроси Фориш туман бўлими иш юритувида бўлган ижро ҳужжатига асосан, қарздор МЧЖнинг солиқ қарздорлигини ундириш бўйича мажбурий ижро чоралари кўрилмоқда.
Ижро ҳаракатлари давомида қарздор корхонага тегишли бўлган 3 дона трактор аниқланиб, белгиланган тартибда хатловга олинди.
Айни вақтда мазкур тракторларни баҳолатиш чоралари кўрилмоқда. Баҳолаш натижаларига кўра, қонунчиликда белгиланган тартибда қарздорликни ундиришга қаратилган кейинги ижро ҳаракатлари амалга оширилади.
Мажбурий ижро бюроси томонидан солиқ қарздорликларини ундириш ва ижро ҳужжатларининг ижросини таъминлаш борасида белгиланган тартибда зарур чоралар кўрилмоқда.
