Бир кун ичида фуқаролик ва паспорт: Жапаров масъулларга топшириқ берди
Бунга Ўзбекистондан келган аёлнинг фуқаролик олишдаги муаммоси сабаб бўлган.
Қирғизистон президенти Садир Жапаров этник қирғизларга фуқаролик ва паспортларни бир кун ичида расмийлаштириб беришни топширди. Бу ҳақда у Боткен шаҳри аҳолиси билан учрашувда маълум қилди.
Учрашувда Боткен туманида яшовчи, Ўзбекистондан келган ва қирғиз миллатига мансуб эркакка турмушга чиққан аёл президентга мурожаат қилган. У узоқ вақтдан бери Қирғизистон фуқаролигини ололмаётганини билдирган.
Жапаров тегишли масъулларга аёлнинг муаммосини ҳал қилишни топшириб, агар шахс этник қирғиз бўлса, унга фуқаролик ва паспорт бир кун ичида берилиши кераклигини айтган.
Президентнинг таъкидлашича, Афғонистон ва Тожикистондан келган этник қирғизлар ҳамон қайрилман мақомига эга.
