“Биз ҳусийларнинг ҳужумларини кескин қоралаймиз” — Эрдоған

 

Туркия президенти Ражаб Тоййиб Эрдоған ҳусийларнинг Саудия Арабистони пойтахти Ар-Риёддаги Қирол Холид халқаро аэропортига қилган ҳужумини қоралади. У Анқаранинг Саудия Арабистони ва унинг халқини қўллаб-қувватлашини билдирди. Бу ҳақда Анадолу агентлиги хабар берди.

 

Эрдоған Анқарада вазирлар маҳкамаси йиғилишидан сўнг қилган баёнотида ҳужумни ноқонуний ва ғайриинсоний деб атади. У ҳалок бўлганларнинг яқинларига ҳамдардлик билдириб, жароҳатланганларга тезроқ соғайиб кетишни тилади.

 

Туркия раҳбарининг таъкидлашича, Анқара минтақада тинчлик ва барқарорликни таъминлаш тарафдори ҳамда бу йўлдаги саъй-ҳаракатларини давом эттиради.

 

Эрдўған, шунингдек, Макка қўшма мудофаа келишуви яқин кунларда парламентга тасдиқлаш учун киритилишини маълум қилди.

 

Аввалроқ Саудия Арабистони расмийлари Ар-Риёд халқаро аэропортига қилинган ҳужум оқибатида 12 киши ҳалок бўлгани ва 309 киши жароҳатланганини билдирган. Ҳусийларга қарши араб коалицияси вакили Турки ал-Малики ҳужум учун Ямандаги ҳусийлар ҳаракатини айблаган.