Россияга қарши янги чекловлар: ЙИ 23-санкциялар пакетини тайёрламоқда
Германия ва Польша янги чекловлар ташаббусини илгари сурмоқда.
Европа Комиссияси Россияга қарши санкцияларнинг 23-пакетини тайёрлашни бошлади. Янги чекловлар 2026 йил охиригача тақдим этилиши мумкин. Бу ҳақда Politicо нашри манбаларга таяниб хабар берди.
Нашр маълумотларига кўра, янги санкцияларни илгари суришда Германия ва Польша етакчилик қилмоқда. 15 октябрь куни бўлиб ўтадиган Европа Иттифоқи йиғилишида аъзо давлатлар, аввало, Россия энергетика секторига нисбатан чекловларни кучайтириш масаласини кўтаришни режалаштирмоқда.
Politicо бу ташаббусни Россия ва АҚШ ўртасида дизель ёқилғиси етказиб бериш бўйича яқинда тузилган келишувлар билан боғлаган.
Бундан аввал Европа Иттифоқи Россиянинг ҳарбий-саноат комплекси билан боғлиқ қарийб 1 600 та компания ва жисмоний шахсни қамраб олувчи 22-санкциялар пакетини тасдиқлаган эди. Чекловлар мудофаа саноати корхоналари, уларнинг раҳбарлари ҳамда Қрим, Донбасс ва Новороссияда Давлат Думаси сайловларида қатнашган сиёсатчиларга нисбатан ҳам жорий этилган.
