Х халқаро “Евросиё кўприги” кинофестивали: Рашид Маликовнинг фильми бош совринни қўлга киритди
Инсон тақдири ҳақидаги ҳикоя халқаро эътирофга сазовор бўлди.
Ўзбекистонлик режиссёр Рашид Маликовнинг фильми Х халқаро “Евросиё кўприги” кинофестивалида энг яхши бадиий фильм деб топилди. 5-9 октябрь кунлари Москвада ўтказилган юбилей фестивалида 14 мамлакатдан фильмлар иштирок этди.
Фильм ҳаётдаги қийинчиликларни енгиб, яшашдан янги маъно излаётган аёл ҳақида ҳикоя қилади. Унда инсоннинг ички кечинмалари, синовлар қаршисида ўзини йўқотмаслик ва ҳаётини қайтадан қуришга интилиши акс этган.
Мазкур фильмнинг жаҳон премьераси 2025 йил ноябрь ойида Қоҳира халқаро кинофестивалида бўлиб ўтган. 2026 йил июль ойида эса Сочидаги “Евразия Кинофест” фестивалида “Энг яхши сценарий” мукофотини қўлга киритган.
Халқаро эътирофдан янги ҳамкорликлар сари
Рашид Маликов айни пайтда Контент маркази билан ҳамкорликда 2027 йил 4–5 февраль кунлари Тошкентда илк бор ўтказиладиган Tashkent Content Market халқаро тадбирига тайёргарлик кўришда иштирок этмоқда.
Бундай халқаро майдонлар ўзбек киноижодкорлари учун хорижий ҳамкорлар билан алоқаларни кенгайтириш, ўз лойиҳаларини жаҳон бозорига олиб чиқиш ва янги ижодий ҳамкорликларни йўлга қўйиш имконини беради.
