Репер Navai Қозоғистонда ушланди: у гиёҳванд моддалар контрабандасида гумонланмоқда
Унинг автомобилидан гиёҳвандлик воситаси топилган, хонанда эса вақтинча сақлаш ҳибсхонасига жойлаштирилган.
Россиялик репер Navai Қозоғистонда гиёҳванд моддалар контрабандасига уринишда гумонланиб ушланди. Бу ҳақда Tengri Life Жамбил вилояти полиция департаментига таяниб хабар берди.
Полиция маълумотига кўра, Navai 13 октябрь куни Қозоғистонга кириб келаётганида «Қордай» чегара пунктида ушланган. Уни полиция ва чегара хизмати ходимлари биргаликда қўлга олган. Репер бўлган автомобиль текширилганда, ундан гиёҳвандлик воситаси топилган.
Ҳолат юзасидан гиёҳвандлик воситалари контрабандасига уриниш гумони билан судгача тергов бошланган. Navai вақтинча сақлаш ҳибсхонасига жойлаштирилган. Полиция терговга оид бошқа маълумотларни ошкор қилмаган.
Хонанданинг 14 октябрь куни Остона шаҳрида концерт бериши керак эди. Бироқ тадбир бекор қилинган ёки номаълум муддатга қолдирилган. Ташкилотчилар бунга техник сабабларни кўрсатган.
