Ҳокимликдан прокуратурага: Тошкент шаҳар прокурорига янги ўринбосар тайинланди

 

Нилуфар Аллабергенова Тошкент шаҳар прокурори ўринбосари лавозимига тайинланди. Бу ҳақда Бош прокуратура матбуот хизмати хабар берди.

 

Ушбу тайинловга қадар Аллабергенова Тошкент шаҳрининг Яккасарой тумани ҳокими лавозимида фаолият юритган. У мазкур лавозимга 2019 йилда тайинланган.

 

Нилуфар Аллабергенова 1971 йилда Тошкент шаҳрида туғилган. 1995 йилда Тошкент давлат юридик институтини тамомлаган.

 

Меҳнат фаолияти давомида Яшнобод, Чилонзор ва Мирзо Улуғбек туманларида прокурор ўринбосари лавозимларида ишлаган. Шунингдек, Яккасарой тумани прокурори сифатида ҳам фаолият юритган.