Саида Мирзиёева Туркия Президентининг икки расмийси билан учрашди
Музокараларда икки мамлакат ўртасидаги алоқаларни мустаҳкамлаш ва янги ташаббусларни амалга ошириш истиқболлари кўриб чиқилди.
Ўзбекистон Президенти Администрацияси раҳбари Саида Мирзиёева Туркия Республикаси Президенти Котибияти раҳбари Ҳасан Доған ҳамда Президент Администрацияси Бош котиби Ҳаққи Сусмаз билан учрашди.
Қайд этилишича, Ўзбекистон ва Туркиянинг ўзаро боғлаб турган умумий тарихи бор, тили, маданияти, анъаналари яқин. Кўп қиррали муносабатлар айнан мана шундай мустаҳкам пойдевор асосида изчил ривожланиб бормоқда.
Шунингдек, мулоқот давомида ҳамкорликни кенгайтириш бўйича навбатдаги амалий қадамлар муҳокама қилингани ва ҳар икки томон учун манфаатли бўлган янги ташаббусларни биргаликда амалга ошириш жараёнини давом эттириш келишиб олингани маълум қилинди.
