АҚШ мактабидаги отишма: уч нафар бола ва ўқитувчи ҳалок бўлди
Отишмани 16 ёшли ўсмир содир этган.
15 октябрь куни АҚШнинг Орегон штатидаги Бенд шаҳрида жойлашган бошланғич мактабда отишма содир бўлди. Маҳаллий полиция маълумотларига кўра, ҳодиса оқибатида уч нафар бола ва бир нафар ўқитувчи ҳалок бўлган.
CNN хабарига кўра, отишмани 16 ёшли ўсмир содир этган. Унинг шахси ва ҳужумга нима сабаб бўлгани ҳозирча маълум қилинмаган. Дастлабки маълумотларга кўра, воқеа вақтида мактабда қарийб 400 нафар ўқувчи ва 40 нафар ходим бўлган.
Ҳодиса оқибатида жабрланганлар шифохонага олиб борилган. Қурбонлар ва жароҳатланганлар сони ҳақидаги маълумотлар аниқлаштирилмоқда.
CNN маълумотига кўра, гумонланувчи полиция ходимлари етиб келишидан олдин тўхтатилган. Маҳаллий аҳолидан бири қуролланган ўсмирни кўриб, уни бўйсундирган.
Ҳуқуқни муҳофаза қилувчи органлар ҳодиса тафсилотларини ўрганмоқда. CNN қайд этишича, бу 2026 йил бошидан буён АҚШ мактаблари ҳудудида содир бўлган 36-отишма ҳодисасидир.
