Саида Мирзиёева “Henderson Land Group” бошқаруви раиси билан учрашув ўтказди
Учрашувда энергетика, инфратузилма ва таълим соҳаларидаги ҳамкорлик муҳокама қилинди.
Ўзбекистон Президенти Администрацияси раҳбари Саида Мирзиёева ХХРнинг Гонконг махсус маъмурий ҳудудидаги энг йирик холдинглардан бири — “Henderson Land Group” бошқаруви раиси Питер Ли билан учрашув ўтказди.
Қайд этилишича, учрашувда қайта тикланувчи энергетика, Янги Тошкент инфратузилмасини ривожлантириш ва таълим соҳаларидаги истиқболли қўшма лойиҳалар муҳокама қилинди.
“Мамлакатимиз инвестициялар учун очиқ ва биз Гонконгнинг етакчи бизнес доиралари билан ҳамкорликдан манфаатдормиз. Шерикликдаги ташаббусларни, жумладан, янги ташкил этилаётган Тошкент халқаро молия маркази орқали ҳам қўллаб-қувватлашга тайёрмиз. Ўзбекистон ва Гонконг ўртасида узоқ муддатли иқтисодий ҳамкорликни ривожлантириш учун катта имкониятлар борлигига ишонаман”, — деб ёзди Президент Администрацияси раҳбари.
