Икки самолёт Москвага қўна олмади: Ўзбекистон рейслари йўналиши ўзгартирилди
Москвада эҳтимолий дрон ҳужуми хавфи сабаб “Ковер” режими жорий этилгани ҳақида хабарлар тарқалди.
Тошкент ва Самарқанддан Москвага учган иккита йўловчи самолёти белгиланган манзилига қўна олмади. Бунга Москва аэропортларида парвозлар вақтинча чеклангани сабаб бўлган.
Маълумотларга кўра, Тошкентдан Москвага учган «Аэрофлот» самолёти Санкт-Петербургга, Самарқанддан учган «Ural Airlines» самолёти эса Екатеринбургга йўналтирилган.
Москвада эҳтимолий дрон ҳужуми хавфи сабаб «Ковер» режими жорий этилгани ҳақида хабарлар тарқалган. Бироқ аэропортлардаги чекловлар айнан дронлар билан боғлиқ экани ҳозирча расман тасдиқланмаган.
Шунингдек, Внуково халқаро аэропортидаги вақтинчалик чекловлар ва самолётларнинг кечикиб етиб келиши сабаб Uzbekistan Airways 17–18 октябрь кунлари айрим авиақатновларини ўзгартирилган йўналиш ва жадвал асосида амалга оширишини маълум қилди.
