Ичимлик суви таъминоти вақтинча узилади: кўчалар рўйхати эълон қилинди
Тошкентдаги айрим кўчалар ва турар жой мажмуаларида 19 октябрдан 20 октябргача ичимлик суви таъминоти вақтинча тўхтатилади.
Тошкент шаҳрининг Юнусобод туманидаги айрим кўчалар ва турар жой мажмуаларида 19 октябрь соат 09:00 дан 20 октябрь соат 15:00 гача ичимлик суви таъминоти вақтинча тўхтатилади. Бу куз-қиш мавсумига тайёргарлик доирасида сув тармоқларида олиб борилаётган режали профилактика-таъмирлаш ишлари билан боғлиқ.
Сув таъминоти «Соҳибкор-1», «Соҳибкор-2», «Соҳибкор-3», «Соҳибкор-4», «Соҳибкор-5-тор», «Оқтепа-1», «Оқтепа-2», «Оқтепа-3», «Оқтепа-4», «Оқтепа-5-тор», «Ўқитувчилар-1», «Ўқитувчилар-2», «Ўқитувчилар-3-тор», «Чинобод», «Чинобод-1», «Чинобод-2», «Чинобод-3», «Чинобод-4», «Чинобод-5», «Чинобод-6», «Чинобод-7», «Чинобод-8-тор», «Янгишаҳар-6», «Янгишаҳар-7», «Янгишаҳар-8», «Янгишаҳар-9-тор» кўчалари ҳамда «Отчопар» ва «Обиравон» кўчаларида вақтинча узилади.
Шунингдек, «Манзара» турар жой мажмуаси, «High Town City» турар жой мажмуаси ва унинг савдо-кўнгилочар мажмуаси, «Ҳаёт» клиникасида ҳам сув бўлмайди.
Қозонхоналардаги сув таъминоти узилиши сабабли айрим ҳудудларда ичимлик суви билан бирга иссиқ сув таъминоти ҳам тўхташи мумкин.
Сув таъминоти вақтинча узилган манзилларга махсус техникалар орқали ичимлик суви етказиб берилиши маълум қилинди.
Қўшимча маълумот учун: (+998 71) 256-10-95, (+998 71) 252-60-08 ёки 1054 рақамларига мурожаат қилиш мумкин.
