Марко Рубио “Буюк хизматлари учун” ордени билан мукофотланди
АҚШ Давлат котиби ушбу орден билан Ўзбекистон ва АҚШ ҳамкорлигини ривожлантиришдаги хизматлари учун тақдирланди.
АҚШ Давлат котиби Марко Рубио Ўзбекистон ва АҚШ ўртасидаги стратегик шерикликни ривожлантириш ҳамда икки мамлакат халқлари ўртасидаги дўстлик алоқаларини мустаҳкамлашга қўшган ҳиссаси учун “Буюк хизматлари учун” ордени билан тақдирланди. Бу ҳақда 19 октябрь куни Ўзбекистон Республикаси Президенти фармони эълон қилинди.
Ҳужжатда Марко Рубионинг сиёсий-дипломатик, савдо-иқтисодий ва маданий-гуманитар алоқаларни кенгайтириш, Марказий Осиёда тинчлик ва барқарорликни таъминлашга қаратилган саъй-ҳаракатларни қўллаб-қувватлаш ҳамда Ўзбекистоннинг халқаро ташаббусларини илгари суришдаги шахсий ҳиссаси эътироф этилган.
