Сержио Гор “Дўстлик” ордени билан мукофотланди
Фармонда унинг инвестицияларни жалб қилиш, савдо-иқтисодий алоқаларни кенгайтириш ва қўшма лойиҳаларни илгари суришдаги хизматлари эътироф этилган.
АҚШ Президентининг Жанубий ва Марказий Осиё бўйича махсус вакили Сержио Гор Ўзбекистон ва АҚШ ўртасидаги стратегик шерикликни ривожлантириш ҳамда савдо-иқтисодий ва инвестициявий алоқаларни кенгайтиришдаги хизматлари учун “Дўстлик” ордени билан тақдирланди. Бу ҳақда 19 октябрь куни Ўзбекистон Республикаси Президентининг тегишли фармони эълон қилинди.
Ҳужжатда Сержио Горнинг Ўзбекистоннинг иқтисодий салоҳияти ва инвестициявий имкониятларини АҚШда тарғиб қилиш, америкалик инвесторлар ва етакчи компанияларни мамлакатга жалб этиш, шунингдек, энергетика, саноат ва транспорт соҳаларидаги ўзаро манфаатли лойиҳаларни илгари суришга қўшган ҳиссаси эътироф этилган.
Шунингдек, унинг Америка–Ўзбекистон ишбилармонлик ва инвестиция кенгаши доирасидаги ҳамкорликни ривожлантириш борасидаги хизматлари қайд этилган.
