Марко Рубио: Саида ниҳоятда истеъдодли, ақлли ва меҳнаткаш инсон
АҚШ Давлат котиби Президент Администрацияси раҳбари Саида Мирзиёеванинг фаолиятини эътироф этди.
АҚШ Давлат котиби Марко Рубио Ўзбекистон Президенти Администрацияси раҳбари Саида Мирзиёеванинг фаолиятини юқори баҳолади.
“Барчамизни бир жойга жамлаган мезбонларга — АҚШ–Ўзбекистон бизнес ва инвестиция кенгашига ҳамда унинг икки ҳамраисига алоҳида раҳмат айтмоқчиман. Улардан бири — юқорида тилга олганим, махсус вакилимиз, элчи Сержио Гор. Ва Ўзбекистон Президенти Администрацияси раҳбари Саида Мирзиёева.
Биз уни шунчаки Саида деб чақирамиз. Чунки уни турли жойларда, кўплаб тадбирларда учратамиз. У ниҳоятда истеъдодли, ақлли ва меҳнаткаш инсон. Бу ишга ажратган вақтингиз ва куч-ғайратингиз учун иккингизга ҳам раҳмат. Бугунги оқшом сизларсиз амалга ошмас эди.
Улар ҳамда B5+1 гуруҳи билан биргаликда давлатларимиз ва хусусий секторнинг барча имкониятларини бирлаштириб, мамлакатларимиз ўртасидаги бизнес алоқалари ва муносабатларни ривожлантиришга эришдик.
Бундай самарали ҳамкорликнинг асоси — умумий қадриятларимиз ва мақсадларимиздир. Биз мустақил ва суверен давлатлармиз. Ҳар биримиз ўз мамлакатимиз ва халқимиз учун энг яхшисини истаймиз.
Айнан шу умумий қадриятлар ва мақсадлар муносабатларимизни бундай самарали ривожлантириш имконини бермоқда”, — деди Марко Рубио.
