Фарғонада сув таъминоти ходими фуқаролар томонидан калтакланди
Жабрланган ходимга зудлик билан тиббий ёрдам кўрсатилган ҳамда мазкур ҳолат юзасидан туман ички ишлар идорасига хабар берилган.
Фарғона вилояти Ўзбекистон тумани сув таъминоти филиали ходими фуқаролар томонидан калтакланди. Бу ҳақда «Фарғона сув таъминоти» АЖ ахборот хизмати хабар берди.
Хабарга кўра, кеча, 9 март куни вилоятнинг Ўзбекистон туманида фаолият олиб бораётган туман сув таъминоти филиали инспектори ҳамда мижозлар бўлими бошлиғи хизмат вазифасини бажараётган вақтида айрим фуқаролар томонидан калтакланган, шунингдек уларнинг хизмат автомашинасига шикаст етказилган.
Жабрланган ходимга зудлик билан тиббий ёрдам кўрсатилган ҳамда мазкур ҳолат юзасидан туман ички ишлар идорасига хабар берилган.
Ҳозирда ушбу ҳолат бўйича ҳуқуқ-тартибот органлари томонидан тегишли тартибда суриштирув ишлари олиб борилмоқда.
