Куба АҚШ билан урушга тайёр — Куба Президенти
Мигел Диас-Канел АҚШнинг орол устидан назорат ўрнатишга уринишига "қатъий қаршилик" кўрсатишга ваъда берди.
Куба президенти Мигел Диас-Канел АҚШнинг мамлакат устидан назорат ўрнатиш эҳтимолига кескин муносабат билдириб, ҳар қандай ташқи агрессияга қарши "қатъий қаршилик" кўрсатилишини маълум қилди.
Диас-Канелнинг таъкидлашича, АҚШ деярли ҳар куни Кубага нисбатан конституцион тузумни зўравонлик билан ағдариш бўйича таҳдидлар қилмоқда. Вашингтон мамлакатни, унинг ресурслари, мулки ва иқтисодиётини ўз назоратига олиш ниятини очиқ билдирмоқда.
Куба етакчиси бу ҳолатни "бутун халққа қарши қаратилган қаттиқ иқтисодий уруш" сифатида баҳолади.
"Энг ёмон сценарий олдида Кубада битта йўл бор: ҳар қандай ташқи тажовузкор енгиб бўлмас қаршиликка дуч келади", — дея таъкидлади у.
