Ўзбекистонда Рамазон ҳайити намози вақтлари эълон қилинди
Рамазон ҳайити намози Тошкент шаҳрида соат 06:50 да, бошқа ҳудудларда намоз вақтидаги тафовутни ҳисобга олиб ўқилади.
Ўзбекистон мусулмонлари идораси Рамазон ҳайити муносабати билан ҳайит намози ўқиладиган вақтларни маълум қилди.
Унга кўра, 20 март — Рамазон ҳайити куни Тошкент шаҳрида ҳайит намози соат 06:50 да адо этилади.
Ҳудудларда эса вақт фарқи ҳисобга олинган ҳолда қуйидаги тартибда белгиланган:
• Андижон, Фарғона, Наманган — 06:40
• Тошкент шаҳри ва вилояти — 06:50
• Сирдарё — 06:55
• Жиззах, Самарқанд — 07:00
• Навоий, Бухоро, Қашқадарё, Сурхондарё — 07:05
• Хоразм — 07:25
• Қорақалпоғистон — 07:30
Байрам кунлари муносабати билан дам олиш кунлари ҳам белгиланган бўлиб, ҳафтасига 5 кун ишлайдиганлар 20–23 март кунлари 4 кун, 6 кунлик иш ҳафтасида ишловчилар эса 20–22 март кунлари 3 кун дам олади.
