<h4>&nbsp;</h4>

<img src="/media/uploads/2021/07/26/1_uijGRCc.webp" style="height:405px; width:621px" />

&nbsp;

Маҳаллий экспортчиларга хориждан маҳсулот олиб, импорт қилмасдан учинчи давлатга тўғридан тўғри сотишга рухсат берилади.

Ҳукумат&nbsp;<a href="https://lex.uz/docs/5500359" target="_blank">қарорига</a>&nbsp;асосан хорижий хом ашё ва материалларни божхонада расмийлаштириш талабларини соддалаштириш мақсадида&nbsp;2021 йил 1 августдан&nbsp;бошлаб:

<ul>
	<li>божхона режими талабида хорижий буюртмачи мавжуд бўлмаган ҳолларда ҳам қайта ишлаш операцияларига рухсат берилади;</li>
	<li>тадбиркорлик субъектига четдан хом ашё сотиб олиб, уларни республика ҳудудида божхона тўловлари тўламаган ҳолда қайта ишлагандан сўнг исталган хорижий ҳамкорига сотиш имконини берадиган олиб чиқиш, олиб кириш, сотиш ва сотиб олиш бўйича янги турдаги ташқи савдо контрактлари амалиётга киритилади;</li>
	<li>маҳаллий экспорт қилувчиларга хорижий давлатдан маҳсулот сотиб олиб, импорт қилмасдан учинчи давлатга тўғридан тўғри сотишга рухсат берилади.</li>
</ul>

Ер участкаларини хусусий секторга мулк ҳуқуқи билан бериш тартиби кучга киради

Президент&nbsp;<a href="https://lex.uz/docs/5450176" target="_blank">фармонига</a>&nbsp;асосан 2021 йил 1 августдан бошлаб ер участкалари хусусий секторга &mdash; мулк ва ижара ҳуқуқи асосида, давлат ташкилотларига &mdash; доимий фойдаланиш ҳуқуқи асосида ажратилади.

Ҳокимлар ва маҳаллий кенгашларнинг ер участкаларини тўғридан тўғри ажратиш, фойдаланишга бериш, келгусида ажратиш учун захиралаш, бириктириш, ободонлаштириш учун бериш ёки ерларни бошқача йўл билан тасарруф қилиш, суғориладиган ерларни суғорилмайдиган ёки бошқа ер тоифасига, суғорилмайдиган қишлоқ хўжалиги ерларини бошқа ер тоифасига ўтказиш ва улар юзасидан қарор, фармойиш ёки бошқа турдаги ҳужжат қабул қилиш ҳуқуқи бекор қилинади.

Шунингдек, фармонга асосан Вазирлар Маҳкамаси истисно тариқасида, фақат қуйидаги ҳолларда ер участкаларини тўғридан тўғри ижарага беришга ҳақли бўлади:

<ul>
	<li>қишлоқ хўжалиги соҳасида илмий тадқиқот ва тажриба синовлар амалга ошириш учун давлат илмий-тадқиқот ва таълим муассасаларига &mdash; Қишлоқ хўжалиги вазирлигининг таклифига асосан;</li>
	<li>агросаноат кластерларига &mdash; ер участкаси норматив қийматининг икки баравари миқдоридаги пул маблағи депозитга қўйилганда, Қишлоқ хўжалиги вазирлиги, Қорақалпоғистон Республикаси Вазирлар Кенгаши, вилоят ҳокимининг таклифига асосан;</li>
	<li>энг яхши таклифни танлаш орқали аниқланадиган, қиймати камида 10 миллион АҚШ доллари эквивалентида (ер майдони ҳажмига кўра ортиб боради) бўлган йирик инвестиция лойиҳасини амалга ошириш учун &mdash; лойиҳа қийматининг камида 10 фоизига тенг маблағ аввалдан махсус ҳисобрақамга жойлаштирилганда;</li>
	<li>чет эл инвестициялари иштирокидаги корхоналарга, халқаро бирлашмалар ва ташкилотларга, чет эллик юридик ва жисмоний шахсларга &mdash; ижарага олиш ҳуқуқини олганлик учун бозор қийматида ҳақ тўлаган ҳолда.</li>
</ul>

Давлат бошқаруви органларининг хизмат автотранспорт воситалари уларнинг раҳбарларига шахсан бириктирилади

Ҳукумат&nbsp;<a href="https://lex.uz/docs/5401516" target="_blank">қарори</a>&nbsp;билан хизмат автотранспорт воситалари:

<ul>
	<li>республика давлат бошқаруви органлари ва маҳаллий давлат ҳокимияти органларида раҳбарлар ҳамда уларнинг ўринбосарларига;</li>
	<li>республика давлат бошқаруви органлари тизимидаги ташкилотларда ҳамда уларнинг Қорақалпоғистон Республикаси, вилоятлар ва Тошкент шаҳар ҳудудий бўлинмаларида биринчи раҳбарларга шахсан бириктирилади.</li>
</ul>

Шунингдек, республика давлат бошқаруви органларида хизмат мақсадларида давлат харидлари тўғрисидаги қонун ҳужжатларига мувофиқ аутсорсинг шартлари асосида автобус, такси ва бошқа автотранспорт воситалари хизматларидан фойдаланиш тизими жорий этилади.

Бундан ташқари, 2021 йил 1 августдан бошлаб янги типдаги давлат рақами белгилари билан қайта рўйхатдан ўтказилмаган хизмат автотранспорт воситаларининг ҳаракатланиши тақиқланади.

Ҳудудлардаги нодавлат таълим ташкилотларининг бинони ижарага олиш харажатларининг бир қисми қоплаб берилади

Президент&nbsp;<a href="https://lex.uz/docs/5474568" target="_blank">қарорига</a>&nbsp;асосан 2024 йил 1 январга қадар нодавлат таълим ташкилотлари томонидан таълим жараёнида фойдаланиладиган бино ва иншоотлар ижара тўлови харажатларининг 50 фоизигача миқдорда давлат бюджети маблағлари ҳисобидан қоплаб берилади. Ушбу тартиб Тошкент ва Самарқанд шаҳарларида жойлашган ва таълим жараёнида фойдаланиладиган бино ва иншоотларга татбиқ қилинмайди.

Давлат харидлари соҳасида ўтказиладиган тендер натижаларини мажбурий тарзда очиқ эълон қилиш йўлга қўйилади

Президент&nbsp;<a href="https://lex.uz/docs/5495533" target="_blank">қарори</a>&nbsp;билан шаффофлик ва қонунийликни таъминлаш, коррупциявий ҳолатларнинг олдини олиш мақсадида давлат харидлари соҳасида ўтказилаётган тендер (танлаш) натижаларини мажбурий тарзда очиқ эълон қилиш амалиёти жорий этилади.

Чиқиш туризми бўйича айрим лицензия талаблари жорий этилади

Ҳукумат&nbsp;<a href="https://lex.uz/docs/4930291" target="_blank">қарорига</a>&nbsp;кўра, чиқиш туризми йўналиши бўйича туроператор ва турагент фаолиятини амалга ошириш учун қуйидаги лицензия талаблари жорий этилади:

<ul>
	<li>туроператорларнинг фуқаролик жавобгарлигини суғурталашни тасдиқловчи суғурта полисининг мавжудлиги;</li>
	<li>15 минг АҚШ доллари эквиваленти миқдоридаги маблағларни Ўзбекистон Республикаси Туризмни ривожлантириш давлат қўмитаси ҳузурида Хавфсиз туризм жамғармасига захира қилиб қўйиш;</li>
	<li>Барча давлат божлари, йиғимлар, жарималар ва бошқа мажбурий тўловларни онлайн режимда тўлаш имконияти тақдим этилади.</li>
</ul>

Президент&nbsp;<a href="https://lex.uz/docs/5030957" target="_blank">фармонига</a>&nbsp;асосан электрон ҳукуматни ривожлантириш доирасида жисмоний ва юридик шахсларга барча белгиланган давлат божлари, йиғимлар, жарималар ва бошқа мажбурий тўловларни электрон тўлов тизимларидан фойдаланган ҳолда онлайн режимда тўлаш имконияти тақдим этилади.

<h4>Ҳайдовчилик гувоҳномасини расмийлаштириш учун барча ҳужжатларни ЯИДХП орқали ҳам тақдим этиш имконияти яратилади</h4>

Ҳукумат&nbsp;<a href="https://lex.uz/docs/5409456" target="_blank">қарорига</a>&nbsp;асосан ўқув гуруҳларини рўйхатга олиш, ҳайдовчиликка номзодлардан имтиҳонларни қабул қилиш учун ҳужжатларни ва миллий ҳайдовчилик гувоҳномасини расмийлаштириш учун барча тегишли ҳужжатларни ЯИДХП орқали ҳам тақдим этиш имконияти яратилади.

Ҳомиладор аёлларни комплекс кузатиш бўйича ягона тизим жорий этилади

Президент қарорига кўра, ҳомиладор аёлларни комплекс кузатиш бўйича ягона тизим жорий этилиб, унда қуйидагилар назарда тутилади:

<ul>
	<li>ҳомиладор аёлнинг комплекс кузатуви ягона маълумотлар базасини яратиш;</li>
	<li>перинатал ва скрининг марказлари ҳамда бирламчи тиббий-санитария муассасаларидаги оналар ва болалар саломатлигига масъул тузилмалар томонидан ягона маълумотлар базасига зарур маълумотларни киритиш, шунингдек, ҳомиладор аёлларнинг тиббий картасини юритиш;</li>
	<li>шаклланган маълумотларга асосан ҳомиладор аёлларга зарур маслаҳатларни бериш.</li>
</ul>

Аҳолининг жисмоний тайёргарлик даражасини баҳолаш тизими жорий этилади

Президент&nbsp;<a href="https://lex.uz/docs/5459047" target="_blank">қарори</a>&nbsp;билан Аҳолининг жисмоний тайёргарлик даражасини баҳолаш тизими жорий этилади. Аҳолининг барча қатламлари ўртасида жисмоний тарбия ва спортни оммалаштириш орқали жисмоний қобилият ва ҳаракат фаоллигини такомиллаштириш ҳамда зарарли одатлар ва турли касалликларнинг олдини олиш, шунингдек, соғлом турмуш тарзи кўникмаларини шакллантириш ва жисмоний тайёргарлик даражасини ошириш тизимнинг асосий мақсадларидан бири этиб белгиланган.

Давлат суд-экспертизаси муассасаларининг фойдаланилмайдиган бинолари суд экспертлик билан шуғулланадиган хусусий шерикларга ижарага берилади

Президент&nbsp;<a href="https://lex.uz/docs/5491507" target="_blank">фармонига</a>&nbsp;кўра, давлат суд-экспертизаси муассасаларининг фойдаланилмайдиган биноларини (корпусларини) суд экспертлик фаолиятини амалга ошириш шарти билан хусусий шерикларга ижарага тақдим этиш тизими жорий этилади.

1 августдан қонунчиликда қандай ўзгаришлар бўлади?

Zamon.uz сайти ўз анъанасига мувофиқ 2021 йил 1 августдан бошлаб Ўзбекистон қонунчилигида рўй берадиган айрим ўзгаришларни эслатиб ўтади.

20 дан ортиқ IT соҳасидаги хотин-қизлар тақдирланди

Тошкентнинг бош режаси тасдиқланди

Бу йил Ўзбекистонда 226 млн туп кўчат экилди

Қашқадарёда қарийб 200 мингта “пақилдоқ” тўхтатиб қолинди

“Tashkent city” боғи атрофидаги кўчалар 15 кунга ёпилди

26 декабрь учун об-ҳаво прогнози эълон қилинди

Ўзбекистон

Категориялар

Боғланиш учун

Электрон манзил:

Шаҳодатнома

Таҳририят манзили

Ғоя муаллифи