180 миллионлик тамаки маҳсулотлари ноқонуний айланмасининг олди олинди
Бу ҳақда Тошкент вилояти божхона бошқармаси маълум қилди.
Тошкент вилояти божхона бошқармаси маълум қилишича, қўшни давлатдан Ўзбекистон Республикасига ўтиш учун “Бекобод” темир йўл чегара божхона постига кириб келган поезд юк вагон таркиби божхона ходимлари томонидан белгиланган тартибда божхона назоратидан ўтказилди.
Божхона назорати давомида вагонлардан бирининг ички қисмида номаълум политэлин қоплар борлиги аниқланди. Аниқланган қоплар ичида 12 картон қутида юк кузатув ҳужжатларида кўрсатилмаган акциз маркаси билан маркаланмаган ҳамда рақамли маркировка кодлари бўлмаган умумий қиймати 180 миллион сўмлик жами 6000 қути тамаки маҳсулотлари борлиги аниқланди.
Ҳозирда ушбу ҳолат юзасидан божхона органлари томонидан суриштирув ҳаракатлари давом эттирилмоқда.
