4 та вилоятда сув тошқинлари хавфи эълон қилинди
Бу бўйича “Ўзгидромет” тезкор ахборот билан чиқди.
Ўзбекистонда 23 — 26 июль кунлари ёмғир ёғиши кутилмоқда. Республиканинг 4 та вилоятининг тоғ олди ва тоғли ҳудудларида сел-сув тошқин ҳодисалари юзага келиши мумкин.
Улар қуйидагилар:
- Тошкент вилояти: Оҳангарон, Бўстонлиқ, Паркент, Пискент, Ўртачирчиқ, Юқоричирчиқ туманларида ва Ангрен, Олмалиқ шаҳарларида;
- Наманган вилояти: Поп, Косонсой, Чортоқ, Чуст, Наманган, Янгиқўрғон туманларида;
- Фарғона вилояти: Сўх, Шоҳимардон, Фарғона, Бешариқ туманларида;
- Андижон вилояти: Андижон, Асака, Жалақудуқ, Қўрғонтепа, Пахтаобод, Избоскан, Хўжаобод, Марҳамат туманларида ва Хонобод шаҳрида.
Фуқаролардан эҳтиёткорлик чораларини кўришлари сўралган.
