4 ёшли қизга зўрлик ишлатган эркак руҳий хаста экани аниқланди
Айни вақтда ҳолат Болалар омбудсмани томонидан назоратга олинган.
Тошкент вилоятининг Янгийўл шаҳрида 41 ёшли эркак 4 ёшли қизни зўрлаганликда гумонланиб ушланганди. Ҳолат Болалар омбудсмани томонидан назоратга олинди.
Аниқланишича, айбланувчи шахс Б.Д. 2021 йилдан буён руҳий касалликлар шифохонасида рўйхатда туради. Ҳолат юзасидан Жиноят кодексининг 119-моддаси 4-қисми (жинсий эҳтиёжни зўрлик ишлатиб ғайритабиий усулда қондириш) билан айб эълон қилиниб, у процессуал тартибда ушланган.
Болалар омбудсмани ўз ваколатлари доирасида мазкур иш юзасидан кузатувини давом эттиришини билдирди.
