"Абу-Сахий" яқинида "бита" кўтариб жанжал қилган "Кобальт" ҳайдовчисига тегишли чора кўриш ички ишлар бўлимига топширилди
Ижтимоий тармоқда «Иподромда ҳайдовчи ва ГАИ ходимлари ўртасида жанжал» сарлавҳаси остида тарқалган видео юзасидан ЙҲХББ маълумот берди.
Жорий йилнинг 3 сентябрь куни соат 21:45 ларда КХАЙ кўчаси «Абу-Саҳий» бозори автотураргоҳидан чиқишда «Кобальт» русумли транспорт воситаси йўлнинг қатнов қисмига автоуловини тўхтатган вақтида шу ерда хизмат олиб бораётган ЙПХ инспекторлари сафдор Э.Туланов ва сафдор С. Эргашевлар томонидан автоуловни автотураргоҳга қўйиш лозимлиги ҳақида огоҳлантирилганда 2001 йилда туғилган ҳайдовчи Ж. М. автоуловни ҳайдаб кетиб, ҳаракатланиш жараёнида ўз йўналишида ўзидан олдинда ҳаракатланиб кетаётган «Спарк» автомашинаси ҳайдовчиси билан йўл талашиб қолиши натижада «Кобальт» автомашинаси ҳайдовчиси автоуловидан «бита» спорт анжомини олиб «Спарк» автомашинаси ҳайдовчиси билан жанжаллашаётган вақтида ЙПХ инспекторлари фуқаро Ж.М.ни ушлаб, ўзига ва автоуловига тегишли ҳужжатларини тақдим қилишини сўраган, лекин ҳайдовчи ҳужжатларни ЙПХ инспекторларига тақдим қилмаган.
Шундан сўнг фуқаро Ж.М. Тошкент шаҳар Чилонзор туман 5-сон ИИО ФМБга олиб борилиб, тегишли ҳужжатларсиз транспорт воситасини бошқарганлиги учун Ўзбекистон Республикаси МЖтКнинг 135-моддасига асосан маъмурий баённома расмийлаштириб, фуқарога тегишли чора кўриш учун Ички ишлар бўлимига топширилган.
