Афғонистон фуқаролари учун 8000 та махсус иммиграцион визалар тасдиқланди
АҚШ Вакиллар палатаси Афғонистон фуқаролари учун 8000 та махсус иммиграцион визаларни тасдиқлади.
Махсус иммиграцион виза дастури АҚШ ҳукумати ёки АҚШ ҳарбий кучлари билан ишлаган афғонлар учун мавжуд. Қайд этилишича, 2014 йил декабридан бери Қўшма Штатлар 26 500 та шундай визаларни расмийлаштирган.
Афғонларга ва уларнинг оилаларига таҳдид Қўшма Штатлар Афғонистондан қўшинларини олиб чиқишни бошлагандан сўнг пайдо бўлди. Сўнгги ҳафталарда жангарилар янги ҳудудлар ва чегара ўтиш жойларини эгаллаб олишди.
Шу ойнинг ўзидаёқ Қўшма Штатлар Афғонистондан махсус иммиграцион виза олиш учун ариза берувчиларни эвакуация қилишни бошлайди. Биринчи гуруҳ Виржиниядаги ҳарбий базага етказилади.
Насиба Тўхтаева
