Актриса ва “Подари жизнь” жамғармаси асосчиси Чўлпон Хаматова Россияни тарк этди
Аввалроқ у Путинга Украинадаги махсус операцияни тўхтатишни сўраб мурожаат қилганди.
Таниқли рус актрисаси Чўлпон Хаматова Россияни тарк этди. Бу ҳақда “Регнум” хабар берди.
Актриса Россияни оиласи билан тарк этган. У Латвияга боргани айтилмоқда, бу ерда Хаматованинг уйи бор. У “Подари жизнь” хайрия фонди асосчиларидан бири ҳам ҳисобланади. Ўзининг сўзларига кўра, Россиядан кетганига қарамай, фонд ишлари билан шуғулланишни давом эттиради.
У ватанига ҳали-бери қайтиш ниятида эмас. Актрисанинг сўзларига кўра, “унга ортга қайтиш керак эмаслигини тушунтиришди”.
Хаматова Россиянинг Украинадаги махсус операцияси бошлангач, Владимир Путиндан урушни тўхтатишни сўраб мурожаат қилганди.
Аввалроқ Россия GPS тизимидан узиб қўйилиши мумкинлиги тўғрисида хабар берилганди.
