Андижон туманида 6 та хонадон ёниб кетгани ростми?
Туман ҳокимлиги матбуот хизмати ҳолат бўйича расмий изоҳ берди.
Маълум қилинишича, Андижон тумани “Кенгаш” МФЙ ҳудудида яшовчи фуқаронинг яшаш хонадонига ёнғин юзага келган. Ҳодиса оқибатида уйнинг 200 метр квадрат том қисми ва уй рўзғор буюмлари ёниб зарарланган. Ёнғиндан тан жароҳати олган ва ҳалок бўлганлар йўқ.
Воқеа жойига 4 та ёнғин қутқарув бўлинмалари жалб қилинган ва талофатнинг қўшни хонадонларга ҳам тарқалишининг олди олинган.
Ҳозирда ёнғин келиб чиқиш сабаби ва моддий зарар аниқланмоқда.
