Андижон вилоятининг Олтинкўл туманида 5 август куни иккита автомашина иштирокида йўл-транспорт ҳодисаси содир бўлди.
Вилоят ИИБ хабарига кўра, ҳолат соат 22:10 ларда Олтинкўл тумани “Қўштепа” МФЙ ҳудудидан ўтувчи 4Р-112 автомобиль йўлининг 8 километрида юз берган. 2002 йилда туғилган А.Н. Damas русумли транспорт воситасида ҳаракатланиб кетаётган вақтида руль бошқарувини йўқотиб, йўлнинг қатнов қисмида тўҳтаб турган Spark автомашинасининг орқа қисмига бориб урилган.
ЙТҲ оқибатида ҳеч ким тан жароҳати олмаган, ҳар иккала транспорт воситалари техник шикастланган. Мазкур ҳолат юзасидан Олтинкўл тумани ИИБ ЙҲХГ масъул ходимлари томонидан суриштирув ишлари олиб борилмоқда.