Андижонда сел келиши оқибатида оқиб кетган қирғизистонлик 39 ёшли аёлнинг жасади топилди. Бу ҳақида Қирғизистон Фавқулодда вазиятлар вазирлиги хабар бермоқда.
Эслатиб ўтамиз, 14 июль куни Ўш вилояти ва Ўш шаҳрида кучли сел оқими содир бўлганди. Табиий офат туфайли оқиб кетган аёлнинг жасадини Андижонда ФВБ қутқарувчилари топган.
Маълум бўлишича, қирғизистонлик аёл Ўш шаҳрида оқиб кетган. Бунгача у бедарак йўқолган деб ҳисобланган.