Германия канслери Ангела Меркель лавозимидан кетганидан кейин қарийб 15 минг евро пенсия олади. Бу маълумотни “Де Морген” Германия солиқ тўловчилари федерацияси манбасига таяниб эълон қилди.
Бунга Меркелнинг 32 йил Германия парламенти аъзоси сифатида фаолият юритгани ва қарийб 16 йил мамлакат канслери лавозимида ишлагани асос бўлади.
Бундан ташқари, Меркель ҳам Германиянинг барча олдинги канслер ва собиқ президентлари сингари истеъфога чиққач лавозимга эга бўлади. Шунингдек, унга офис менежери, иккита ёрдамчи ва ҳайдовчи берилади.
Эслатиб ўтамиз, Ангела Меркель шу йилнинг 26 сентябрига белгиланган умумий сайловлардан сўнг 2005 йилдан буён эгаллаб турган Германия канслери лавозимини тарк этади. Чунки у бу сайловда ўз номзодини илгари сурмади ва сиёсатдан кетиш нияти борлигини билдирди.
Насиба Тўхтаева