Ангрендаги кўмир конида ҳайдовчи вафот этди
Ҳозирда ҳолат юзасидан суриштирув бошланган.
Жорий йилнинг 5 март куни соат 10:15 ларда “Ангрен” кўмир конида “БелАЗ” русумли автоағдаргич тоғ жинсларини тўкиш вақтида орқага сирпаниб, ағдарилиб кетган ва алангаланиш рўй берган.
“Ўзбеккўмир” акциядорлик жамияти ўт ўчирувчилари воқеа жойига тезлик билан етиб келган ва ёнғин тўлиқ ўчирилган. Ҳодиса оқибатида оғир тан жароҳати олган автоағдаргич ҳайдовчиси А.А.га корхона тиббий бўлим ходимлари томонидан биринчи ёрдам берилган ва шошилинч равишда шаҳар марказий шифохонасига етказилган. Аммо, кўрсатилган тиббий ёрдамга қарамай, ҳайдовчи касалхонада вафот этган.
Ҳозирда кўмир конида рўй берган ҳодиса юзасидан ҳуқуқни муҳофаза қилиш идоралари томонидан суриштирув ишлари олиб борилмоқда.
