«Барселона» вингери Ансу Фати жорий трансфер ойнаси тугагунга қадар ўзининг клубини ўзгартириши мумкин. Бу ҳақда журналист Фабрицио Романо хабар берди.
Манбага кўра, футболчига Лондоннинг икки клуби «Челси» ва «Тоттенҳем» фаол қизиқиш билдирмоқда. «Аристократлар» испаниялик футболчини ўз жамоасига ўтиш имкониятини кўриб чиқади. «Шпорлар ўз навбатида Фати ва «Ноттингем» вингери Бреннан Жонсон вариант устида бош қотирмоқда.
Эслатиб ўтамиз, 2022/2023-йилги мавсумда Фати «Барселона» сафида барча турнирлар доирасида 50 та ўйинда майдонга тушиб, 10 та гол урган ва 4 та голли узатмага муаллифлик қилган. Футболчининг Каталония клуби билан шартномаси 2027 йилнинг июн ойи охиригача амал қилади. Трансфермаркт интернет порталига кўра, футболчининг тахминий нархи 35 миллион еврони ташкил қилади.