«Реал» Испания чемпионати 32-турида сафарда «Севиля» (3:2) устидан иродали ғалабага эришди.
Мадрид клубининг 3-тўпини жамоа сардори Карим Бензема 90+2-дақиқада киритди.
Бу — 34 ёшли француз учун ушбу мавсумда Ла Лигадаги 25-гол. Натижада ҳужумчи лигада бир мавсумдаги голлари сони бўйича шахсий рекордини ўрнатди.
Бенземанинг бунгача энг яхши натижаси 2015/16 йилги мавсумга тўғри келарди. Ўшанда у 27та баҳсда 24та тўп киритган.
Маълумот учун, Карим «Реал»да 2009 йилдан бери ҳаракат қилади.
Аввалроқ, Макрон Мбаппени парижда олиб қолмоқчи эканлиги ҳақида хабар берилганди.