АҚШ Молия вазирлиги 22 декабрь куни Афғонистонга гуманитар ёрдам етказилишини осонлаштириш мақсадида АҚШнинг Афғонистонга киритган санкцияларидан озод қилишни ўз ичига олган учта янги умумий лицензияни тақдим этди. Бу ҳақда TASS хабар қилди.
"Қўшма Штатлар Афғонистонга энг йирик гуманитар ёрдам етказиб берувчи ҳисобланади. Биз Афғонистон халқини қўллаб-қувватлашга содиқмиз, шунинг учун молиявий ёрдам беришни осонлаштириш учун ушбу қўшимча чораларни кўрмоқдамиз", — деди АҚШ молия вазири ўринбосари Адевал Адеемо.
Юқорида тилга олинган иккита лицензия АҚШ ва БМТ каби қатор халқаро ташкилотлар расмийларига “Толибон” ҳаракати вакиллари иштирокида операцияларни амалга ошириш имконини беради. Агар ушбу операциялар Вашингтон ёки тегишли халқаро тузилмаларнинг расмий фаолияти доирасида амалга оширилса, учинчи лицензия Афғонистондаги гуманитар лойиҳаларда иштирок этаётган нодавлат ташкилотларни санкциялардан озод қилишни назарда тутади.