АҚШ нега Яқин Шарққа ядровий кема юборди?
Оқ уй бу ҳаракатини изоҳлади.
Ядровий сувости кемасининг Яқин Шарққа кўчирилиши томонларни можарони кенгайтиришдан қайтаришнинг бир қисми сифатида зарур. Бу ҳақда Оқ уй Миллий хавфсизлик кенгаши координатори Жон Кирби маълум қилди.
“Мен сизга умумий маънода айтаман, биз минтақадаги кучларимизни ўзгартиришда давом этамиз”, деди Кирби.
У АҚШ ҳарбийлари минтақада жойлашганини эслатиб, уларни ва Америка ҳарбий объектларини ҳимоя қилиш учун бундай қадам зарурлигини таъкидлади. Бундан ташқари, Кирби ядровий сувости кемаси “кучли хабар юбориш” эканини таъкидлади.
“Бу можарони кучайтирмоқчи бўлган ҳар қандай томон учун “қудратли тўхтатувчи хабар”, - дея таъкидлади у.
Эслатиб ўтамиз, Қўшма Штатлар Ливанни можарога аралашишдан огоҳлантириб, бунинг оқибатида Ливан халқи жабр кўришини айтганди.
