АҚШ ўтган ойда гипертовушли ракета учирган – CNN
Вашингтон Россия алоқаларни янада кескинлаштирмаслик мақсадида уни махфий тарзда амалга оширган.
АҚШ март ойи ўртасида махфий тарзда гипертовушли қурол синовини ўтказган. Бу ҳақда CNN Пентагондаги манбаларига асосланиб хабар берди.
Уна кўра, бу ракета “Гипертовушли ҳаво-реактив қуроли концепцияси” доирасида яратилган. У Тинч океанида, стратегик бомбардимончи самолёт – B-52’дан учирилган. Ушбу қурол 19 минг метр баландликка кўтарилган ва 480 метр масофага учиб борган. Ракетанинг максимал тезлиги товуш тезлигидан энг камида 5 марта кўп бўлгани айтилмоқда.
CNN маълумотларига кўра, синовлар Байденнинг Европага сафари арафасида ўтказилган. Шу билан бирга телеканалнинг таъкидлашича, Вашингтон Москва билан муносабатлардаги эскалациядан қочиб, уни махфий тарзда амалга оширган.
Аввалроқ АҚШ қуруқлик қўшинлари сони қисқартирилиши тўғрисида хабар берилганди.
