АҚШнинг Афғонистон бўйича махсус вакили Томас Уест кейинги ҳафтада Доҳада "Толибон" раҳбарияти билан терроризмга қарши кураш масаласида музокара ўтказади. Бу ҳақда АҚШ Давлат департаменти матбуот хизмати раҳбари Нед Прайс маълум қилди.
"Кейинги ҳафтада Томас Уест Доҳага боришини тасдиқлайман. У ерда икки ҳақталик учрашувларда "Толибон" билан бизнинг Афғонистон билан боғлиқ манфаатларимиз, хусусан терроризмга қарши кураш муҳокама қилинади", – деган Прайс.
Ўтган ҳафтада Уест толибларнинг терроризмга қарши кураши уларнинг ҳокимияти тан олинишида ёрдам беришини айтган.
Аввалроқ Афғонистонда медиага нисбатан тақиқ жорий этилгани ҳамда БМТ Тожикистонга афғон қочқинлари бўйича мурожаат қилгани тўғрисида хабар берилганди.
Жаҳонгир Қўзиев