"Бизнинг кучларимиз Украинада Россия армияси билан низода тўқнашмаган ва бундан кейин ҳам тўқнашмайди. АҚШ НАТОнинг ҳар бир дюйм ерини ҳимоя қилади. Альянснинг ҳар бир аъзоси 5 модда (Коллектив мудофаа бўйича Вашингтон шартномаси) доирасида ўз мажбуриятини бажаришига шубҳа йўқ", – деган у.
Шунингдек, АҚШ раҳбари Германияда қўшимча кучлар жойлаштирилишини эълон қилган. Reuters маълумотларига кўра, уларнинг сони 7 мингни ташкил этади.
Маълумот учун: Россия 24 февраль куни Украина шарқида махсус операция ўтказишни бошлади. Ҳозирда Украинанинг кўплаб ҳарбий объектларига авиазарбалар берилган. РФ мудофаа вазирлиги украин армиясининг ҳаво-ҳужумига қарши тизимлари тўлиқ ишдан чиққанини маълум қилган.
Эслатиб ўтамиз аввалроқ Макрон Зеленский илтимосига кўра, Путинга қўнғироқ қилгани ҳақида хабар берилганди.